Timor-Leste Coalition for Education (TLCE) – Avaliasaun Politika estabelesimentu ensinu sekundariu tekniku Vokasional Publiku iha Timor-Leste – 02/05/2021

Tama iha natureza servisu Auditoria Sosial nian ne’ebe buka atu avalia desepenhu servisu
publiku sira liu-liu atu sukat nia impaktu sósias sira, nune’e avalaisaun ida ne’e aproxima
metode avaliasaun modelu convenence ne’ebe halo avaliasaun integradu ba aspeitu
antesedensia, transaksaun no Finalidade.

RESULTADU AVALIASAUN
1. Resultadu Avaliasaun Antecedência
a. Etapas Deseñu Polítika ESTV
MEJD envolve kedas professores no Assosiasaun País e Professores iha inisiu
estabelesementu Ensinu Sekundária Tékniku Vokasional. Maioria APP (79.5%) deklara katak
sira envolve iha prosesu ne’e pelomenus partisipa enkontru ne’ebe MEJD organiza iha sira nia
komunidade. mesmu menus dadus ne’ebe bele explica no justifika kategorizasaun atividade
enkontru ho nia objetivu sira katak “atu halo konsultasaun ou sosializasaun”.

2. Resultadu Avaliasaun Transaksaun
a. Prosesu implementasaun
Halo tuir Diploma ministerial N.o 22/2016, de 9 de Março, kona ba regras
referência ba konversaun Ensinu Sekundária Jeral ba Ensinu Sekundária Tékniku
Vokasional, nune’e estabelesementu eskola sira mai ho istoria rua, hanesan eskola
ne’ebe converte no eskola ida ne’ebe loke foun. Ba eskola ne’ebe loke foun la
espesifika iha diploma ministerial ida ne’e, mesmu lei base edukasaun fo dalan no
tama iha Planu Estratéjiku Nasional Edukasaun (PENE) 2011-2030.

3. Resultadu Avaliasaun Outcomes
a. Diskrisaun
Finalidade husi sistema educativa tenke orienta ba resultado ne’ebe defini ona, nune’e mós
ba finalidade sira husi estabelementu ESTV iha Timor Leste. Ida ne’e ita bele hare’e husi
aspeitu sira hanesan kompetensia graduadu ESTV nian no nia atividade sira hafoin gradua
husi ESTV.
Kompetensia sira ne’ebe haktuir iha SNQ – TL, tuir respondente nia resposta katak iha deit
48.7% mak priense ona, mesmu presiza tan informasaun no evidensia seluk atu bele justifika
esteitmentu ida ne’e, enkuantu maioria mak foin iha abilidade básiku no médiu.

Rekomendasaun
1) Implementa planu komprensivu ba infraestrura inklui fasilidades no ekipamentus
2) Estabelece relasaun formal Parseria Públiku Privadu (PPP)
3) Revisaun ba kurrikulu no aproximasaun inter-ministerial atu assegura estudante simu
dupla sertifikasaun
4) Hala’o sosializasaun ba komunidade kona importância husi eskola ESTV hodi hasa’e
kuñesementu komunidade nian ba oportunidade no rekerimentu hodi encoraja nia
oan hili departamento iha ESTV
5) Hala’o formasaun ba professores iha áreas produtivus oi-oin hodi bele atualiza no
aumenta sira nia abilidade tekniku
6) MEJD bele considera ESTV MAUMALI nudar referénsia aliende referénsia sira husi rai
seluk iha aspeitu jestaun organizacional, ekipamentus no facilidades prática, wainhira
atu halo investimento ba desenvolvimentu ESTV iha Timor Leste