Organizasaun Juventude ba Progresio (OJP) – Public Health Services – 08/29/2018

OJP halao auditoria Social Iha Munisipio Baucau hodi hare’e ba Implementasaun Saude Primaria iha Postu Administrativo Venilale, Vemasse no Baucau Vila. Ho objetivo prinsipal haat:
– avalia funsionamentu programa funsionamentu saude primaria;
– prestasaun servisu no esperiensia atendementu;
– kompriende benefisiu no dezaffiu iha implementasaun politika
– no fo dalan ba komunidade atu hato’o hanoin no preokupasaun.

Programa Auditoria Social ida ne’e involve Postu Saude 12, CHC 3 no involve membru komunidade hamutuk 559 nudar sample.

Metodolozia
OJP utiliza metodolojia kuntiitativo no kualitativo iha prosesu asaun auditoria sosial. Ba metodu kualitativo OJP halao intervista klean no halo grupo diskusaun. Ba metidu kuantiitativo, OJP halao survey ho numeru sample 559 ( pesoal Saude 45, membru komunidade bain bain 360, ema ho defisiennsia 24, estudante 120) sira ne’e hotu maise husi Postu Administrativo 3 (Baucau Vila, Venilale no Vemasse) Suku 15.

OJP deskobre katak:

– Iha diskrepansia entre hanoin husi komunidade no pesoal saude kona ba moras ne’ebe barak liu iha Setembru 2017 to’o Dezembru 2017 – resultadu husi intervista sample 559 hatudu katak 59% husi Komunidade fiar moras iha fulan tolu ikus mak isin katar, no husi pesoal Saude 61% dehan ISPA mak barak liu; Diskrepansia ida seluk mak kategoria idade ba pasiente sira – pesoal saude dehan 35% inan isin rua mak halo tratamentu iha postu saude, komunidade dehan labarik husi tinan 5-15 mak barak liu hetan tratamentu saude (34%);

– iha konkordansia entre komunidade no pesoal saude kona ba kausa moras mak be’e ne’ebe komunidade konsume, rai rahun resultadu husi renovasaun dalan;
– liu metade husi komunidade 53% mak presiza lao oras ida ka liu atu aseso saude, maske nune’e 63% utiliza centru saude.
– OJP mos deskobre katak banin no liman badaen sira sei kontinua fo partus ba inan isin rua iha Munisipio Baucau.
– OJP mos deskobre katak Ministerio Saude halo ona esforsu lubuk ida atu asegura saude primaria, hanesan fahe informasaun kona ba importancia husi fase liman, nutrisaun, Isin Katar, diarea;
– OJP deskobre katak Governo seidauk atinji padraun ba numeru pesoal saude iha kada CHC
– Kualidade atendementu diak;
– FAsilidade Centru saude sira iha ona fasilidade minimu hanesan bee, haris fatin no eletrisidade, maibe 30% mak seidauk;
– falta aimoruk iha postu saude sai mos preokupasaun
– iha CHC 3 ne’ebe OJP visita rua mak kondisaun armajen diak maibe ida mak presiza atensaun urijente.

Rekomendasaun husi Povo no Ofisial Saude:
-Pesoal saude sira rekomenda atu ai moruk labele falta iha postu saude no aumenta sira nia abilidade
-presiza aumenta pesoal saude (Dotour, Parteira) ba iha postu da saude Samalari Ossoluga, Sucu Bahamori, Sucu Gariwai.
-Presiza halo manutensaun ba kareta ambulansia sira atu nune’e bele funsiona fila-fali.
-Halao tratamentu spesifiku no urjente ba comunidade sira ne’ebe sofre moras kulit hanesan isin katar.
-Aumenta Sala de emergensia, Sala Maternidade, Sala enkontru (Meeting room), Armagen rai ai moruk ba centru saúde Vemasse, Venilale no Wailili.
-Programa Sisca tenki halao to Sucu sira hanesan; Sucu Gariwai, Aldeia Uatuwa, Ossoluga Sorulai.

Ministerio Obras Publicu
-Halo rehabilitasaun ba Postu Saúde Fatulia Postu Administrativo Venilale
-Hadian Estrada no Ponte ne’ebe liga comunidade ba postu saude mak hanesan Suco Ossoala, Samalari Aldeia Ossoluga, Gariwai, Venilale Sucu Fatulia
-Kanaliza bee mos ba centru saúde, postu saúde nomos ba Aldeia Hoinu-Uai, Uaiknasa.
-Liga electricidade ba postu saude nomos centru saúde Suco Ossoala, Suco Gariwai, Aldeia Uatuwa.