Luta Hamutuk (LH), Forum Komunikasaun Feto Timor-Leste (FOKUPERS), Community Based Rehabilitation Network Timor-Leste (CBRN-TL), Fundacao Esperanca Para Futuro(FUNERO), Konsselu Dirativa ReNAS Auditoria Sosial, Timor-Leste Coalition for Education (TLCE), Fundasaun Moris Foun (FMF), GRUPU FETO FOINSA’E TIMOR LOROSA’E, PN-BESI-TL, Fundasaun Amizade tanba Amor (FUNDAMOR), Centro Comunidade Covalima, Action For Change Foundation (ACF), FONGTIL – Implementation of PDIM, Monitorizasaun Infraestrutura no Atendementu Servisu Saúde ba Ema ho Defisiénsia iha Municipio Baucau, Primary Health Care, KD-ReNAS, Avaliasaun Politika estabelesimentu ensinu sekundariu tekniku Vokasional Publiku iha Timor-Leste, Public Health Services, Water and Sanitation, AUDITORIA SOCIAL, Prestasaun Saude Primaria, Distribution of Tractor and Hand Tractor Program – 07/05/2023, 07/06/2023, 12/31/2022, 01/01/2022, 05/15/2023, 02/05/2021, 07/05/2023, 05/07/2023, 07/05/2023, 05/07/2023, 03/30/2023, 02/21/2022

Iha tinan 2021 Luta Hamutuk kontinua hala’o auditoria sosial no foka ba seitor infraestrutura partikular ba estrada koridor Baucau-Viqueque.Programa Auditoria Sosial ne’ebe aprovasaun husi Gabinete Apoiu Sosiedade Sivil-Gabinete Primieru Ministru iha MoU ho atividades prioridades ha’at (4), mak hanesan “Advokasia ba deskobrementu auditoria social ba Estrada koridor Baucau-Viqueque, Kapasitasaun ba Lokal Monitor, monitoramentu ba konstrusaun Estrada koridor Baucau-Viqueque no Sosializasaun mata dalan auditoria social no politika emprestimu iha nivel Suku”.

Objetivu husi atividade auditoria sosial mak
• Atu asegura prosesu implementasaun projetu tuir politika imprestimu no padraun sira ne’ebe estabelese (aspetu Sosial, Ambiente no Tekniku).
• Garante transparansia, akuntabilidade iha prosesu implementasaun projetu.
• Promove sentidu nain ba dezenvolvimentu no hasa’e partisipasaun komunidade iha prosesu dezenvolvimentu.
• Promove no hasa’e kapasidade lokal hodi hametin no haburas politika auditoria social iha ida-idak nia hela fatin.

Iha implementasaun programa Auditoria Sosial Institutu Luta Hamutuk halo linha kordensaun nu’udar grupu alvu mak hanesan tuir mai;

Nivel Nasional                          : Ministeriu Obras Publika, Project Management Unit no Unidade Auditoria Sosial.

Nivel Munisipal                        : Autoridade Lokal, Lina Ministerial iha Munisipiu no Konsultoriu Kompania Internasional.

Nivel Postu Administrativu: Administrador Postu, Lina Ministeriu iha nivel Postu.

Nivel Suku                                   : Xefe Suku ho estrutura tomak no Komunidade inkluzaun.

Metodulojia ne’ebe mak Luta Hamutuk uza atu halo auditoria sosial mak intervista ba respondente ema hamutuk 103 kompostu husi Mane ema nain 68 no Feto ema nain 35, iha Postu Administrativu Ossu-Munisipiu Viqueque no iha Munisipal Baucau lokal monitor intervista ema hamutuk 79 kompostu husi Mane ema nain 75 no Feto ema nain 4 iha Postu Administrativu Baucau-Villa no iha Postu Administrativu Venilale ema hamutuk 117 kompostu husi Mane  ema nain 97 no Feto ema nain 20.

Iha servisu auditoria sosial ne’ebe mak Luta Hamutuk hala’o konsege indentifika deskobrementu sira mak hanesan tuir mai:
• Planu dezenvolvimentu seidauk integradu liu-liu iha parte Estrada Nasional na Munisipiu.
• Parte tekniku (dezenu) balun seidauk refleta realidade iha terenu nune’e dezenvolvimentu afeta fali komunidade nia moris.
• Data pagamentu ba afeitadu sira la klaru nomos pagamentus la konsistente.
• Linha komunikasaun no kordensaun entre komunidade, lideransa komunitariu, autoridade postu no munisipal, kompania, konsultan ho governu sentral liliu diresaun PMU la la’o diak.
• Dadus survey primeiru la hanesan ho implementasaun projetu.
• Sosializasaun la masimu ba komunidade sira konaba konstruasaun Estrada ne’e rasik tanba iha implementasaun projetu komunidade seidauk intende konaba folin ai-horis,uma, keos,natar,to’os no seluk tan ne’ebe sei afeta husi konstrusaun Estrada ne’e rasik.

• Husu ba Parlamentu Nasional, Governu no Ajensia/Doadores atu hala’o kontrolu no garante politika imprestimu nune’e bele lori prosperu ba Timor-Leste no la bele sai fali malisan ba jerasaun tuir mai.
• Husu ba jestor projetu no implementasaun projetu atu kria lina komunikasaun no koordenasaun ne’ebe di’ak ho Lina Minesterial, Autoridade Lokal, Lider Komunitariu no komunidade benefisiariu ho efetivu konaba dezenvolvimentu nasional nune’e parte hotu bele partisipa hodi garante ba prosesu implementasaun.
• Presiza iha politika ne’ebe integradu nune’e la hamosu deskontenti, deskonfiansa no deskrimina iha komunidade nia le’et.
• Presiza estudu porfunda husi Governu no Konsultoriu nune’e bele respeita ambiente, sosial no kultura sira ne’ebe naturalmente ejisti.