Konsselu Dirativa ReNAS Auditoria Sosial – KD-ReNAS – 05/15/2023

Prefásiu
Relatóriu Auditoria Sosiál tinan 2022 sei ajuda Governu hodi haforsa implementasaun polítika programa
no ezekusaun orsamentu ba dezenvolvimentu nasionál ne’ebé dignu, laiha violénsia no diskriminasaun ba
ema hotu nia partisipasaun iha setór hotu moris nian katak laiha ema ida iha kotuk. Ho nune’e prezensa
Auditoria Sosiál konsidera nudár instrumentu ida ne’ebé efetivu no efikás hodi bele asegura transparénsia,
akuntabilidade, sustentabilidade nomos partisipasaun komunidade iha prosesu dezenvolvimentu nasionál.
Aléinde ne’e Auditoria Sosiál hanesan mekanizmu ida atu efetivamente diálogu entre governu no
komunidade sira (feto, mane, juventude, ferik, katuas, maluk ho defisiénsia no grupu LGBTIQ) ne’ebé
dezde Timor-Leste ukun rasik a’an seidauk iha konsiderasaun másimu ba sira nia partisipasaun no
preokupasaun ne’ebé sira hasoru.
Objetivu Auditoria Sosiál, atu haforsa komunidade nia lian, promove transparénsia, partisipasaun ne’ebé
iguál hodi garante akuntabilidade, sustentabilidade no inklusivu iha prosesu dezenvolvimentu nasionál.
Governu Konstitusional Da-ualu (VIII) ne’ebé lidera husi S.E. Primeiru Ministru Sr. Taur Matan Ruak ho
komitmentu tomak, kontinua apoiu polítika Organizasaun Sosiedade Sivíl, nudár ajénsia transformadór ba
prosesu Auditoria Sosiál, ho apoiu fundus husi Servisu Apoiu Sosiedade Sivíl no Auditoria Sosiál, hetan
mós akompaña tékniku husi Konsellu Diretivu RENAS hodi bele finaliza relatóriu ne’e ho di’ak no
kualidade.
Relatóriu rezume ida ne’e OSS no Rede Sektorál sira halo Auditoria Sosiál iha prioridade hanesan
Edukasaun Implementa husi Centro Comunidade Covalima (CCC); Saúde implementa husi (Community
Based Rehabilitation Network Timor-Leste (CBRN-TL, Grupu Feto Foin-sa’e Timor Leste (GFFTL),
Fundasaun Esperansa Para Futuru (FUNERO) no Action for Change Foundation (ACF); no Setór Bee no
Saneamentu Ijiene, implementa husi Plataforma Nasionál ba Bee, Saneamentu no Ijiene Timor-Leste (PNBESITL). Espera katak prosesu implementasaun Auditoria Sosiál ho nia rezultadu hirak ne’e, sei fó benefísiu
ba órgaun kompetente nudár referénsia ida atu bele hadi’a kualidade servisu programa ba futuru.
Deskobrementu hirak ne’ebé OSS no Rede Sektorál hetan sei relata iha relatóriu ida ne’e hanesan
evidénsia hodi informa ba liña Ministériu no Instituisaun relevante sira hodi konsidera iha polítika,
planeamentu no orsamentu jerál estadu (OJE) kada periodu. Aléinde ne’e liña Ministériu sira bele uza dadus
no informasaun sira ne’ebé aprezenta ona hodi hadi’a atendementu públiku, polítika no programa sira.
Deskobrementu husi relatóriu rezume ida ne’e mai husi relatóriu Ekipa Konsellu Diretivu RENAS tanba
iha esperiénsia no koñesimentu iha Auditoria Sosiál ho objetivu atu simplifika no harmoniza relatóriu husi
OSS sira ne’ebé implementa Auditoria Sosiál, atu nune’e leitór sira no ema sira ne’ebé foti desizaun bele
lee no foti rekomendasaun sira hodi bele hadi’a servisu públiku sira ne’ebé servidór sira oferese ona ba
komunidade.
Maria Evelina Iman
Koordenadóra Konsellu Diretiva RENAS

• Deskobrementu 
  Iha deskobrementu mak GFFTL relata hanesan husi 28 FSK iha de’it 19 mak fornese kuidadu báziku
  emergency Obstetríka neonatal, no iha 8 FSK inklui ospitál referral mak fornese servisu
  komprensivu CeMONC. Iha parte seluk mós deskobre katak 25 FSK la iha liña rezerva ba
  eletrisidade. Dadus aprezenta mós rekomendasaun hirak ba iha Ministériu de Saúde no MOP atu
  tau importánsia ba fasilidade BESI iha kada postu saúde.
• Iha deskobrementu sira hanesan rekursu umanu hatudu katak númeru pesoál saúde iha postu
  saúde la sufisiente prejudika ba atendementu. Identifika mós katak iha postu Lore pesoál saúde
  abandona servisu durante tinan 2. Hatán ba kestaun atendementu, deskobre katak atendementu
  ba maternidade ladi’ak tanba la iha fasilidade maternidade iha postu 3 refere. Iha rekomendasaun
  lubun iha ne’e mak hanesan aumenta pesoál saúde iha kada postu saúde, inklui médiku, parteira,
  enfermeiru, farmasista no cleaner. Presiza alokasaun integral ba ai-moruk sira iha PS ate sentru
  saúde sira hotu. Presiza iha kapasitasaun rotina ba pesoál saúde sira hodi presta servisu ho
  kualidade.
• Deskobrementu hirak ne’ebé CBRN-TL hetan durante halo auditoria mak instalasaun fasilidade
  saúde iha Munisípiu Baucau 75% la iha asesibilidade rampa, handrail, odamatan, fatin rejistu, sala
  partu no sinais informasaun. 22% ema ho defisiénsia la asesu ba tratamentu saúde. La iha nivel
  asesu ba tratamentu no asisténsia referral ba ema no defisiénsia. Iha bareira fíziku mak sai obstákulu
  boot ba EhD uainhira asesu ba fasilidade saúde. Iha rekomendasaun sira atu ministériu saúde toma
  atensaun mak presiza harii ka rehabilita postu ho sentru saúde tenke fó konsiderasaun ba rampa,
  handrail, odamatan, fatin rejistu no sala partu. Husu ba liña ministerial hanesan MOP, MAE no MJ
  atu tau prioridade ba EhD iha planu hotu.
•  ACF sei uza deskobrementu hirak ne’e hodi halo advokasia ba parseiru save hanesan ministériu
  relevante hodi hadi’ak kualidade sentru saúde sira tantu iha Munisípiu Covalima no iha Timor-Leste.
•  Iha deskobrementu hirak mak la iha dapur no refeitóriu ba alunu/a sira hodi han. Hahán ne’ebé
  fornese la tuir menu ME nian afeta ba alunu sira la iha vontade han. Iha mós parte pozitivu ne’ebé
  revela katak iha ona mudansa husi eskola sira hatama relatóriu tuir tempu no hamenus ona númeru
  abandona eskola. Deskobre mós katak iha eskola balun devolve hikas osan ME tanba inkapasidade
  de ezekusaun. Iha rekomendasaun hanesan presiza halo dapur no han fatin ba labarik sira submete
  ba MdE. Presiza iha bee moos atu fasilita prepara merenda eskolár ho ijiene no seluk tan.
• Deskobrementu sira iha relatóriu auditoria sosiál tuir fonte Kartaun Pontuasaun Komunidade
  (KPK) refere ba IT1 ho IT2, revela katak iha suku Asumau, Saburia, Uma Wa’in leten asesu ba bee
  ho distánsia 300m liu minutu 5 hodi ba kuru bee no iha torneira públiku atu ema 100 resin bele
  asesu iha fatin ida. Dadus hatudu katak iha mapamentu no planu maioria suku 6 refere la involve
  Ema ho Defisiénsia rezulta EhD susar atu asesu ba torneira públiku. Iha Deskobrementu sira seluk
  hanesan: mudansa klimátika, erru husi ema ne’ebé la kuida fasilidade públiku, tesi ai horis no kesi
  animal iha kanu sira bele estraga fasilidade fornesimentu bee moos ba komunidade

REKOMENDASAUN SIRA:

1. Community Based Rehabilitation Networks Timor-Leste (CBRNTL).

SETOR SAUDE:

• Bainhira re-konstrui ou rehabilita (harii edifísiu sentru saúde foun) infrastrutura iha saúde Munisípiu Baucau tenke konsidera asesibilidade hanesan kria rampa no handrail, odamatan, fatin rejistu, sala partu (kama), sinais informasaun (kuadru komunikasaun) báziku hodi fó asesu ba ema ho defisiénsia (asesibilidade tuir padraun dezeñu universal).
• Ativamente liu-husi programa fornese asisténsia saúde ba ema ho defisiénsia iha suku to nivel
  aldeia.
• Fasilita formasaun espesífiku kona-ba asuntu defisiénsia ba iha profesionais iha postu saúde hodi
  iha koñesimentu báziku hodi presta servisu ba ema ho defisiénsia (tinan dala 1).
• Harii sentru saúde ba psiko sosiál (moras mentál) no aumenta doutór espesialista hodi halo atendimentu rutina.
• Ministériu Obras Públika:
• Ministériu Obras Públikas tenke lori rezolusaun Nú. 07/MOP/VIII/2020 kona-ba asesibilidade fíziku
  iha fatin públiku ne’ebé lori to’o iha Konsellu Ministériu hodi aprova sai dekretu lei hodi reforsa
  servisu Instituisaun públiku sira.
• Monitoriza implementasaun rehabilitasaun sentru saúde sira atu bele konsidera asesibilidade fíziku.
  Ministériu Administrasaun Estatál ho Ministériu da Justisa
• Ativamente hakbesik an ba Ema ho Defisiénsia atu bele identifika nesesidade espesífiku sira ne’ebé
  sira presiza, hodi relata ba iha Ministériu relevante, hanesan Saúde no Sosiál. Dadus hatudu katak
  ema ho Defisiénsia sei kontinua hasoru limitasaun (finanseiru no ai-han) bainhira atu asesu ba iha
  tratamentu saúde.
• Parte Ministériu Justisa no MAE tenke vizita direta ba Ema ho Defisiénsia sira, hodi bele trata
  dokumentu sira, atu nune’e sira bele asesu ba direitu subsídiu husi Governu.

2.Centro Comunidade Covalima (CCC). 

• Profesór/a no Alunu sira iha Eskola Bázika Central no Eskola Bázika Filiál sira Munisípiu Covalima fó
  rekomendasaun sira hanesan:
•  Presiza halo dapur ho kondisaun ne’ebé di’ak atu nune’e fornesedóra sira bele te’in ho di’ak no
  ijiene.
• Presiza prepara fatin ba estudante sira hodi tuur bainhira sira han ai-han, nune’e estudante sira la
  tenke no kontinua tuur iha ai-hun, dapur laran, sala aprendizajen, no branda eskola nian bainhira
  han ai-han merenda eskolár nian.
• Presiza dada bee moos ba eskola nune’e, fornesedóra sira la tenke buka bee dook husi eskola.
• Númeru fornesedóra ai-han merenda eskolár sira presiza aumenta.
• Presiza hasa’e kustu ka osan ba estudante sira kada loron.
•  Husu ba Servisu Edukasaun Munisípiu Covalima no Nasionál tenke halo kontrolu másimu ba
  Fornesedóra sira ne’ebé prepara ai-han, tanba iha fornesedóra balun halo diskriminasaun ba
  estudante sira iha oras sira simu ka han ai-han merenda eskolár.
•  Husu ba Servisu Edukasaun Munisípiu Covalima no Nasionál tenke halo kontrolu másimu ba
  Diretór eskola sira no Xefe GAT kona-ba ezekusaun orsamentu Merenda Eskolár nian.
• Presiza hadi’a liña koordenasaun servisu entre ekipa Saúde no Edukasaun Munisípiu Covalima ho
  Nasionál hodi hala’o knaar sira tuir indikadóres Saúde nian ne’ebé hakerek ona iha artigu: 16 Nú.
  1 no 2, Dekretu Lei Nú: 61/2022 loron 24 fulan Agostu kana-ba Aprovasaun Programa Merenda
  Eskolár nian.

3. Action for Change Foundation (ACF)

• Alokasaun pesoál saúde ba postu saúde sira menus. Ekipa auditoria sosiál ne’ebé estabelese husi
  ACF reprezenta komunidade husu ba Ministériu da Saúde no mós Parlamentu Nasionál atu aposta
  iha prioridade MS nian li-liu iha kapitál dezenvolvimentu iha tinan hirak oin mai bele aumenta iha
  Orsamentu Jerál Estadu (OGE) anuál nian nune’e bele aumenta kolokasaun médiku sira ba iha
  postu saúde hotu ne’ebé mak importante hodi asegura funsionamentu prosesu atendementu iha
  postu saúde sira;
•  Stock ai-moruk ne’ebé menus no hotu lalais de’it tanba ne’e ekipa auditoria hamutuk ho ACF
  sujere ba SAMES no MS atu prioritiza ida ne’e hodi aumenta stock ai-moruk ba postu saúde hotu.
• Komunidade mós hakarak husu ba ministériu saúde atu aumenta tan transporte (Ambulánsia)
  karreta Atu nune’e bele atende lalais pasiente iha area rurais liu-liu ba moras grave no inan isin rua
  sira.
• Treinamentu ba pesoál saúde liu-liu ba postu saúde sira, ekipa auditoria ne’ebé husi komunidade
  no ACF husu e rekomenda ba MS atu iha futuru bele estabelese treinamentu iha nivel postu no
  labele iha Munisípiu de’it.
• Ekipa AS no ACF sujere no rekomenda iha futuru bele mós fó treinamentu espesífiku ba iha pesoál
  saúde sira liu-liu iha sistema de atendementu hodi nune’e bele hadi’ak kualidade atendementu iha
  futuru.
• Sujere no rekomenda ba MS hodi aumenta tan médiku ba Postu Saúde sira hodi nune’e bele garante
  kualidade atendementu ba pasiente ho di’ak.

4. . Fundasaun Esperansa Para Futuro (FUNERO).

• Husu ba Ministériu Saúde atu rekruta pesoál saúde kada iha kada postu saúde atu asegura
  atendementu ba pasiente sira (Rekruta pesoál saúde hanesan Doutór Espesialista, Médiku, Parteira,
  Enfermeiru, Farmasista, Loket no Cleaner) hodi destaka iha kada postu saúde no CSC sira sei
  ne’ebé sei menus)
• Husu ba Ministériu Saúde atu aloka ai-moruk ne’ebé sufisiente iha Sentru Saúde Lautem inklui
  Postu Saúde hotu iha Munisípiu Lautem.
• Husu ba ekipa nasionál Ministériu Saúde atu halo monitorizasaun no avaliasaun ba servisu parte
  saúde iha Munisípiu Lautem hodi bele hatene situasaun implementasaun programa bazeia ba Planu
  OJE Ministériu nian.
• Husu ba Ministériu Saúde atu halo alokasaun OJE tenke bazeia ba nesesidade husi Munisípiu liu-liu
  husi parte Saúde, hanesan Munisípiu Lautem ne’ebé menus staff iha sentru saúde hotu, fasilidade
  saúde hanesan: ai-moruk, materiál ospitál no infrastrutura, bee moos, inklui manutensaun, nsst.
• Husu ba Ministériu Edukasaun hodi kria infrastrutura ne’ebé sensivel ba maluk defisiente sira
  (rampa, nsst).
• Husu ba Ministériu Saúde atu haforsa kapasidade pesoál saúde liu husi treinamentu bazeia ba sira
  nia hanesan jestaun lideransa no atendementu profisionál tuir sira nia profisaun inklui mós jestaun
  administrativu.
• Husu ba Ministériu saúde hodi toma atensaun ba rehabilitasaun uma 2 iha CSC nivel 2 Lospalos
  (liu-liu ba embaixadór japan ho nia parseiru ACF atu kontinua halo rehabilitasaun.
•  Presiza asegura halo sensibilizasaun/ kampaña ba komunidade kona-ba informasaun parte saúde
  nian: planeamentu família, prevensaun moras dengue, malaria, nsst.
• Husu mós ba Ministériu Saúde atu konsidera servisu ka insentivu pesoál PSF tanba durante ne’e
  sira mak ajuda barak iha programa saúde.
• Husu ba Ministériu Saúde atu kria sentru atendementu ba programa SISCA iha kada postu no
  aldeia ne’ebé dook husi Suku.
• Presiza iha ekipa inspesaun hodi kontrola postu saúde sira no CSC sira kada fulan/kada periodu.
• Presiza aloka ambulánsia ba tula pasiente to’o tarde tanba estrada aat, ho nune’e husu ba Governu
  atu hadi’a mós estrada iha Suku Lore 1, Suku Baduro no Postu Iliomar.
• Husu ba Ministériu Saúde atu sala partus iha maternidade tenke ketak no labele besik emerjénsia
  no fatin konsulta tanba bele prejudika pasiente sira nia vida.

5. . Grupu Feto Foin-sa’e Timor-Leste (GFFTL).

• Husu ba Ministériu da Saúde no Ministériu Obras Públika presiza tau importánsia ba konstrusaun
  fasilidade bee-moos no saneamentu iha postu saúde sira hodi tulun médiku sira halo atendementu
  ba pasiente sira, nomós bele asegura pasiente sira nia ijiene bainhira halo tratamentu.
• Husu ba Ministériu Saúde presiza fó treinamentu ba pesoál limpezadór sira hodi la’o tuir matadalan
  limpeza ne’ebé loos tuir protokolu saúde nian.
• Husu ba Ministériu Saúde atu apoiu fatin lixu movel ba iha postu saúde sira.
• Husu ba Ministériu Saúde presiza konstrui fatin espesífiku ida atu konserva medikamentu sira,
  tanba fatin ne’ebé iha la sufisiente hodi konserva medikamentu no dala ruma hotu lalais de’it,
  difikulta pesoál saúde sira atu atende pasiente.
• Husu ba Ministériu Saúde no Ministériu Obras Públikas presiza konstrui moru ba postu saúde sira
  ne’ebé laiha moru protejidu no husu Ministériu Saúde presiza koloka seguransa iha postu saúde
  sira.
• Husu ba Ministériu Saúde presiza aumenta pesoál saúde sira kada postu saúde iha komunidade.
• Husu Ministériu Saúde tenke halo planu aloka fundu ba operasaun no manutensaun ba sistema Bee
  iha FKS.
• Husu ba Ministériu Saúde tenke distribui materiál ijiene nian rutina ba postu saúde sira.

6. Plataforma Nasionál ba Bee, Saneamentu no Ijiene Timor-Leste (PN-BESITL).

Munisípiu

• Husu ba autoridade Munisípiu, Postu no suku sira kontinua sosializa informasaun kona-ba mudansa
  klimátika, liu-liu afeta ba jestaun rekursu bee inklui atividade sira relevánsia ho asuntu refere
  (sensivel ba mudansa klimátika),
• Presiza intensifika atividade edukasaun sívika, atu eduka no hasa’e konsiénsia komunidade nian
• Re-Estrutura GMF no Garante funsionamentu no Sustentabilidade GMF.
•  Haforsa koordenasaun servisu entre entidade relevante hodi garante fornesimentu no
  sustentabilidade bee ba komunidade sira (BTL-EP, SMASA, NGO inklui autoridade Lokál sira) iha
  Munisípiu.
• Husu autoridade Munisípiu kontinua haforsa Lei Tara Bandu iha kada Suku no Aldeia sira
• Presiza halo teste ba bee iha laboratóriu hodi garante kualidade Bee ba konsumu umanu, liu-liu iha
  area rurais sira
  Nasionál
• Presiza iha investimentu ne’ebé sériu no natoon iha alokasaun OGE kada tinan ba setór Bee moos,
  liu-liu iha orsamentu kada Munisípiu aloka mós ba operasaun no manutensaun atu bele garante
  funsionamentu sustentabilidade sistema bee moos iha area rurais. Iha alokasaun atu foka mós ba
  kualidade bee ne’ebé fornese ba komunidade sira (polítika Konservasaun Bee no Rai).
•  Kontinua Sosializa informasaun regulár ba komunidade sira kona-ba dekretu lei no. 4/2004, liu-liu
  oinsá komunidade nia papél ba garante sustentabilidade funsionamentu sistema sira (Sente sai na’in)
  inklui polítika relevánsia sira (Dekretu Lei 41/2020 no 38/2020)
• Sosializa informasaun kona-ba Konstituisaun RDTL artigu 139, Rekursu naturál sira; alínea 1,
  Rekursu rai leten nian, rai okos nian, bee territoriál, plataforma kontinentál no zona ekonómiku Inkluzaun ne’ebe importante ba ekonomia, ne’e estadu nia prioridade tenke utiliza iha forma loloos hanesan de’it ba ema hotu-hotu tuir interese nasionál.
•  Hatuur knaar no responsabilidade ne’ebé klaru entre SMASA no BTL-EP iha Munisípiu, liu husi
  halo Revizaun ba Dekretu lei No. 4/2004.
• Garante sustentabilidade fornesimentu bee moos ba komunidade, liu-liu iha area rurais liu husi
  dekretu lei 4/2004 nu’udár aproximasaun legál ba haforsa sentimentu sai na’in ba rezultadu
  dezenvolvimentu nasionál.
•  Haforsa apoiu governu, liu-liu FPA halo Vizita no Monitorizasaun regulár ba sistema sira iha area
  rurais
• Reforsa Despaxu Ministériu Obras Públiku (Despacho No. 07/MOP/VIII/2020, Asesibilidade Para
  Cidadao de Mobilidade Condicionada em Edificacoes Publicas e Comerciadas) hodi bele garante
  konstrusaun hotu tenke inkluzivu ba ema hotu, no husu despaxu refere muda ba Lei.
• Husu ba Governu Presiza aplika Lei Ordenamentu Territoriál, Polítika desentralizasaun no Podér
  Lokál.
• Governu presiza investe iha setór produtivu sira inklui infrastrutura hanesan estrada no ponte,
  parte ida atu reforsa ekonomia família (rendimentu família) iha area rurais