Hametin Agrikultura Sustentabel Timor-Leste (HASATIL) – –

HASATIL halo asaun Auditoria Sosial iha area Agricultura liu liu hare’e ba oinsa distribuisaun Fini no trator kontribui ba kresimentu produsaun no produtividade ne’ebe sustentavel ho objetivo hanesan tuir mai ne’e:

• Halo auditoria sosial konaba politika fornesementu fini hare no batar nian hosi periodu 2016 -2017;
• Avalia ba implementasaun politika fini hare no batar;
• Analisa impaktu sira fornesementu fini no produsaun hare no batar nomos impaktu husi asistensia tekniku husi MAP ba Agrikultor iha area targeto;
• Rekomenda reforma politika fornesementu fini hare no batar.

HASATIL adopta metodolojia kahur ( kuantidade no kualidade) hodi rekolha dadus.

Kuantidade: Hasatil utiliza mekanismu survey ka intervista direita ba pesoa grupo alvu hirak  ne’ebe identifika husi equipa tuir lista ne’ebe hetan husi parte ministerio agrikultura parte   diresaun munisipiu no nasional. Atividades ne’e halao  hodi bele hetan informasaun detalhadu sira konaba apoiu tekniku saida deit mak durante ne’e grupo alvu sira hetan  husi parte ministeriu nomos rekursu saida deit mak sira iha no oinsa komunidade sira utilija iha atividades produtivu ne’ebe halao hela.

Kualidade:Realiza  fokus grupo diskusaun ne’e maka hodi  bele tulun equipa sira iha kampo atu  bele halibur tan informasaun detalhu husi grupo benefisiariu sira ho formulasuan ideia,reflesaun no sujestaun sira tuir perguntas hirak ne’ebe equipa sira  prepara ona,  liu – liu  konaba oinsa sira nia hare konaba mekanismo apoiu sira,saida mak sai responsabilidade grupo hodi garantia sustentabilidade, dezaviu sa mak sira infrenta no atu hadiak liu tan ba oin saida deit mak grupo alvu rekomenda.

Alvu husi Asaun auditoria sosial ida ne’e mak,

Munisipio Bobonaro no munisipio Ainaro, Munisipio Bobonaro kobre  Postu Maliana Villa ne’ebe  detakadu iha  suco Ritabou  no suco Memo nomos  Postu Atabae iha  suco Atabae, Aidabalete no Rairobo. Area targeto seluk  mak  munisipio Ainaro ne’ebe kobre postu administrativu Ainaro Villa  ne’ebe fokus liu iha suco Casa no suco Ainaro Villa nomos  postu Maubisse maka iha  suco Edi.

Deskobrimentu husi Munisipio Covalima no AInaro mak hanesan tuir mai ne’e:

1. maioria agrikultor sira iha munisipio rua ne’e nungka iha oportunidade ba edukasaun formal(52%), ne’ebe hetan opportunidade eskola primaria 25%, presekondaria 11%, sekundaria 9% no universidade 3%;
2. medida toos ba kada agrikultor barak liu mak husi metade hektares to’o hektar 1 55% iha Ainaro no 37.1% iha Covalima, tuir fali lato’o metade hektares (42% iha Ainaro no 32.9% iha Covalima)
3. Maioria agricultor iha munisipio Ainaro kuda batar dala rua tinan ida no Covalima dala ida tinan ida;
4. kada Epoka agrikultur maioria hetan produsaun tonelada 1 (55% iha Inaro no 80% iha Covalima)
5. Maoria komunidade utiliza fini ne’ebe governo fahe (75%) no 25% sei utlizai fini local
6. 67% husi agrikultor sira iha munisipio rua ne’e hetan fini gratuita husi ministerio Agrikultura no 33% seluk sosa husi agrikultor seluk;
7. pratika hamos rai ho sunu rai sei domina iha munisipio rua ne’e;
8. 77% utiliza trator hodi fila rai molok kuda no 87% utiliza trator husi Ministrio Agrikultura;
9. iha AInaro respondente hotu dehan katak sira uza trator 100% gratuita, iha Covalima 81.9% gratuita, 6.4 sosa mina no 7.4 selu operador ho kustu entre $10 – $50;
10. kona ba sistema kuda batar Munisipiu Ainaro iha 73.8% no Munisipiu Bobonaro iha 52.9% maka kuda batar tuir linha.
11. Konaba utilizasaun adubu, hosi respondente 150, iha respondente 14 (9.3%) de’it maka dehan uza adubu, no 136 (90.7%) la uza;
12. Agrikultor 73% mak uza pestisida kimia, no 27% de’it mak uza pestisida organik.

• Promove nafatin fini hare Nakroma no Mamberamo, no fahe ba agrikultor sira. Hare ne’ebe existe ona liu-liu IR64 presiza mantein no halo rejenerasaun (hafoun fali);
• Promove pratika agrikultura di’ak liuhosi aplikasaun tekniku SRI (System of Rice Intensification) no ICM (Integrated Crops Management);
• Konstrui irigasaun iha fatin hirak ne’ebe MAP idendifika tiha ona, ho nune’e rai potensia ne’ebe iha bele utiliza ho maximu;
• Promove produsaun batar no hare organik liu hosi utilizasaun adubu organik no pestisida organik;
• MAP presiza fasilita promove fini rai laran no adaptadu nomos maximija apoiu asistensia tekniku hodi haforsa ba hasae produsaun  agrikula, ho nune’e bele motiva komunidade agrikultor sira hodi badinas liutan halo to’os no  natar;
• MAP Presiza fo apoiu tekniku no finanseiru ba extensionista ho mekanismu ne’ebe di’ak, nune’e la difikulta sira-nia servisu hodi fo asistensia ba agrikultor iha suco ida-idak.
• Apoiu Extensionista sira hodi hamosu pilotu ba fatin studu agrikula entre agrikultor sira
• Presija tau atensaun no hadia mekanismu koordenasaun entre  asosiasaun produsaun fini liu hosi ANAPROFIKO TL ho MAP hodi garantia sustentabilidade asosiasaun iha kompra, produsaun no distribuisaun fini iha futuru;
• Presija hametin koordenasaun hodi prevene utilijasaun pestisida kimiku iha atividades produsaun;