Caucus Feto iha Politika – Inclusive Education Program – 09/26/2018

Publikasaun ida ne’e, hanesan inisiativa ida hodi bele kontribui ba promove edukasaun inklusivu no bolu atensaun ema hotu nebe’e servisu kontaktu direita no la direita hodi foti asaun rasik hodi kontribui ba hadiak situasaun  nasional sira nebe’e ligadu edukasaun inklusivu, asaun hirak hanesan pasu  diak ida hodi bele kontribu ba  politika ida nebe’e asesivel  hodi garante politika edukasaun ba ema hotu.

Governu Timor- Leste hatur ona komitmentu politika hodi formula ona lei nasional kona ba edukasaun inklusivu, fo lei ida ne’e hatudu estadu nia seridade ba edukasaun inkluisivu sai hanesan asuntu prioridade nebe’e tenki refleta iha politika, programa no orsamento.

Atu bele fasilita ekipa fundasaun CAUCUS iha prosesu rekolamentu dadus, estudu ida ne’e uza liu meus peskija kuantitativu nebe’e uza instrumentu questianariu hanesan meus hodi rekola dadus. Dadus hotu nebe;e analiza  iha estudu ida ne’e mai hosi respondenti sira iha  Municipiu  Aileu no Ermera  mak hanesan: Edukador, Estudante Difisiensia, estudante la ho difesiensia, Asosiasaun Inan- Aman, autortidade lokal, no siguransa Eskola. No  responde mo’s fahe tuir kategoria idak –idak nian.

Relatoriu  ida ne’e hato’o evidensia  bazeia  analiza  nebe’e kredivel husi  realidade  nebe’e ezisti  daudaun iha municipiu Aileu no Ermera   atu  bele kontribui ba reforma sasukat sira hosi politika edukasaun inklusivu nian iha ajustumentu  politika dezenvolvimentu  rekursu umanu  no bele kabe ba planu stratejiku dezenvolvimentu nasional.

Fundasaun CAUCUS hakarak konvida ema hotu nebe’e asesu ba publikasaun ida ne’e, hahu loke kada pajina analiza rezultadu, no komesa dadaun hare, ninia rezultadu sira, hahu liga ho pratika sira,  hahu liga ho saida mak governu no  ema hotu halo ona hodi kontribu ba edukasaun inkluzivu ida nebe’e nakonu ho intervnesaun nebe’e responde direita duni ba maluk difisiensia sira nian nesesidade no interese diak sira nian.

1. Profesores espesifku ba difisiensia, tau ba konsiderasaun katak, atu bele hakonu politika nasional ba edukasaun inklusivu nian, pilar importante ida mak edukasaun, hodi asegura katak ema hotu iha direitu ba asesu, opurtunidade, iha prosesu aprendizajen ne’ebé hanesan no laiha diskriminasaun, rekrutamentu no formasaun spesial ba professor espesifikamente ba difisiensia nian imporntante tebes, ho nunu’e deit mak bele atinzi polítika ida nebe’e edukasaun ba ema hotu.
2. Sosilizasaun, parte hotu kontinua kaer papel importante hodi habelar informasaun ba sosiedade kona ba direitu ema hotu nian, liliu maluk difisiensia nian, nunu’e bele hetan apoiu ema hotu hodi motiva maluk hodi luta ba direitu estudante  difisiensia, ema hotu bele hatene uza linguazen diak hodi koalia hasoru maluk difisiensia sira.
3. Subsidiu ba estudante difisiensia sira, ba asuntu ida persija kria kordenasaun ministerial hanesann MSS no ME hodi kontrola fundus sira nebe’e distribui tuir dalan no uza duni ba nesesidade estudante difisiensia nian.
4. Infrastrutura ne’ebé sensitivu ba estudante difisiensia, asesu ba kaza de banho nebe’e fasil, (piniku) iha kaza de banho eskola públika kuaze modelu piniku ne’ebé jeral no sasukat ba estudante la ho difisiensia, asesu ba Rampa hodi bele uza kadeira roda (kursi roda) hodi hafasil estudante ho difisiensia atu bele asesu iha ambiente eskola.
5. Fasilidade iha sala laran, refere liu ba meza no kadeira sira ne’ebé kondis ho situasaun estudante ho difisiensia, fasilita ekipamentus ba difisiensia matan no komunikasaun  hodi partisipa diak iha prosesu aprendizajen
6. Numeru Profosores espesifiku ba estudantes  difisiente seidauk sufisiente.

1. Asuntu “métodu hanorin” no “rekursus Umanus” sai nudar preokupasaun  ba iha prosesu aprendizajen, tamba ne’e Ministériu Edukasaun presiza konsidera no implementa polítika ministeriu edukasaun nian konaba formasaun ba profesores espesiku ba hanorin estudante ho difisiensia
2. Ami husu ba Ministériu Edukasaun atu fasilita Fasilidades iha ambiente no Aula hanesan

• Rampa, kaza de banho
• Meza espesífiku ba ema ho difisiensia, ekipamentu ba brail, no aparelho ba tilun

1. Sosializasaun konaba direitu ema ho difisiensia, presiza halao bebeik, tamba ne’e Caucus sujere ba entidades kompetentes liu liu ministériu Solidariedade, SEIGIS, Oganizasaun não Governamental hirak foka ba asuntu difisiensia hodi submete materia direitu dofisiensia iha imi nia programa.
2. Ministeriu Obras Públika no Ministériu Edukasaun wainhira fo sai tender konaba konstrusaun Eskolas presiza tau rekizitus konaba dezeñu konstrusaun no BoQ ne’ebe asesibel ba ema ho difisiensia, hanesan RAMPA, Piniku ne’ebe espesífiku ba ema ho difisiensia.
3. Rekomenda ba ministeriu saude atu iha dadus spesifiku ba ema ho difisiensia ne’ebe presiza hetan atendimentu saude ne’ebe regular.
4. Husu ba ministeriu edukasaun atu fasilita kada eskola tenke iha profesores ne’ebe iha abilidade hodi hanorin estudantes difisiente.