Fundasaun Amizade tanba Amor (FUNDAMOR) – Auditoria Sosial ba Infrastruktur eskola Ensino Bazico atu garantia ba asesu no arolamentu – 10/31/2018

Lautem   October 31, 2018

SEITOR
Edukasaun

MINISTERIU NE’EBE INVOLVE
Ministeriu of Edukasaun

PROGRAMA PERIOD
May 1, 2018 – October 31, 2018

Rezumu kona ba Programa no metodolojia Auditoria Sosial

Programa Auditoria Sosial ba Infrastruktur Eskola Ensino basico iha Suco 6 (Mahina 2, Baduro, Serelau, Daudere, Ililai no Equise) no eskola ensino Bazico 15 (EBC Leusari no nia Filial 14) iha Postu Administartivu Lautem, municipio Lautem.
Prosesu halo auditoria sosial ba infrastruktur Eskola ensino bazico, dahuluk FUNDAMOR halo konsultasaun no koordenasaun ho parte interesada sira iha Municipio lautem, no halo encontru dahuluk/encontru preliminariu ho parte interesada ho intensaun katak atu aprezenta objetivu no planu auditoria sosial ba parte interesada sira antes implementa atividades koleksaun dadus iha suco 6 no eskola 15.

Metodologia nebe FUNDAMOR uja hodi implmenta programa Auditoria sosial,iha Suco 6 no Eskola 15 iha Postu Administartivu Lautem mak

  1. Interview –tools – Questionario/Lista Perguntas
  2.  Observasaun-tools – Check list
  3.  Forum Discussion Group – FDG
  4.  Dokumentasaun – Camera

Prosesu analiza Dadus husi Pontu Fokal Municipio hodi avalia kredibilidade no akurasi data no Validasaun dadus iha nivel Suco no Municipio

Deskobrimentu Xave

1. Ministerio da Edukasaun la implementa didiak planu NESP ne’ebe sira dezenvolve ona. Bainhira planu ne’e la implementa ho seriu maka guverno Timor-Leste sei labele atinje mehi edukasaun ne’ebé hakerek iha NESP no PEDN.
2. Jestaun escolar iha kada eskola lafunsiona ho diak. Jestaun escolar nudar planu ida ne’ebe hakerek ona iha NESP maibe edukasaun too agora sidauk fo importansia ba planu ne’e. Asuntu ne’e ita bele hare katak; 1) Membru APP lahatene sira nia fungsaun loloos. 2) Koordinador no profesores eskola sira lahatene lolos orsamentu konsensoes nebe guverno aloka ba kada eskola tinan-tinan. 3) Laiha planu prioridade konaba manutensaun infrastrutura eskola sira. 4) Komunidade lapartisipa iha prosesu planeamentu edukasaun nian nune sira la sente nain ba edukasaun iha sira nia hela fatin.
3. Total alunus drop out iha eskola 15 iha tinan 2017 mak alunus nain 19 (mane: 10, Feto: 9), dadus ne’e temporario husi eskola 5 deit (restu sei halibur tiha mak fo ba Fundamor). Husi total nain 10 (M: 8, F: 2) mak husi eskola EBF Ligidiga tamba sala too deit grau 3 nune bainhira remata grau 3 remata sira tenki lao ba EBF Ililai ho distansia kuaze 24 kada loron halo sira baruk atu kontinua eskola. Uma eskola EBF Ligidiga konstrui iha tinan 2009 liu husi pakote referendum no agora dadaun komesa aat ona. Sala aprendijazen mos too deit grau 3 nune bainhira labarik sira remata grau 3 hodi kontinua grau 4, 5 no 6 sira tenki lao ain ho distansia 24 kilometru (ba-mai) EBF Ililai atu eskola. Ho situasaun ne’e kada tinan kuaze labarik liu nain nain 10 mak sempre para eskola tamba sente kolen liu atu lao ho ain too EBF Ilila kada loron.
4. Labarik kuaze nain 200 liu mak lao ho distansia 26km kada loron husi Ililai-Leusari no Daudere-Leusari kuaze 14 kada loron. Kondisaun sira tuir respondetes sira katak bele afeita prestasaun iha eskola Leusari tamba dala ruma tarde ba eskola no ba uma tamba difikuldade transporte nomos sira tempo barak liu mak gasta ona iha viajen.
5. Respondentes husi komunidade, APP, lider komunitario, profesores no alunus sira husi EBF Aelafa, Raumoko, Lereado, no Huruleu hateten katak kondisaun infrastrutura ba eskola sira ne’e iha maibe agora kondisaun grave no bele ameasa ba seguransa no saude labarik sira tamba didi lolon husi bebak komesa aat, lantai nakfera, airin balun komesa atu tohar.
6. Komunidade husi Mahina-2, Profesores no Alunus husi Makalodo hateten katak EBF Makalodo agora dadaun taka ona tamba latama ona kriteria. Fofoun komunidade uma kain 30 mak iha Makalodo maibe agora dadaun uma kain 24 mak muda ba Lereado no hela 6 deit. Labarik alunus sira liu 30 muda tiha ona mai eskola iha Lereado inklui nia profesores nain ida mak agora hanoris iha Lereado no ida seluk muda tiha ona ba EBC Rasa Lospalos. Ho situasaun ne’e komunidade, APP no profesores liu FGD no Intervista no validasaun dadus aseita hodi taka deit eskola ne’e.
7. EBC Leusari nia kondisaun infrastrutura kuaze 90% at no persija hadia urjenti. i.e; be mos laiha, haris fatin aat hotu (lafungsiona) no lutu laiha, guarda pesoal laiha. Kondisaun ne’e hatudu katak EBC Leusari la seguru liu ba prosesu aprendijazen nomos laos centro jestaun diak hodi kontrola ninia filial sira.
8. Repondentes sira liu-liu komunidade no profesores kuaze 56% kestiona makaas konaba prosesu selesaun director no koordinador eskola ne’ebe iha tendensia ba interese partido politika. Desisaun ne’e la fó benefisio ba planu dezenvolvimentu eskola ne’ebé diak liu.
9. Lideransa Komunitario no guverno lokal ne’ebé partisipa iha programa Auditoria Sosial kuaze 75% hateten katak infrastrutura eskola maioria ladiak tamba prosesu konstrusaun ho fazeadamente. (Katak, kompania ida konstrui uma, kompania seluk halo haris fatin, kompanha seluk fali dada be ba eskola no kompania seluk mak fornese fasilidade ba eskola nune difisil hodi kontrola manutensaun.
10. Respondentes sira husi profesores no APP besik 78% hateten katak sira lahatene existensia Jestaun Escolar maske nune sira hatene katak iha estrutura profesores kada eskola maibe deskrisaun servisu laklaru.
11. 85% husi profesores, APP no Komunidade hateten katak Diretor da Ensino Basico Central ho nia Dirijente sira lahatudu Jestaun escolar tamba ne’e mak sira labele halo planu manutensaun minor hanesan odamatan ne’ebé at, roska kanu be ne’ebé at no sintina ne’ebé intupidu no seluk tan. Nomos koordinador sira laiha planu oinsa jere eskola diak liu tan.
12. Liu husi apresentasaun asuntu jestaun eskolar, ekipa enumerador hetan informasaun konaba jestaun osan konsensoen sira nune ekipa sira aprosima ba profesores, APP no koordinador balun hodi husu konaba jestaun osan konsensoens maibe kuaze 55% responde katak sira lahatene katak kada tinan iha osan konsinsoes ba eskola sira.
13. 85% komunidade/inan aman, APP no profesores sira hateten katak laiha transparansia iha nivel ejekusaun osan konsensoes ba manutensaun infrastrutura eskola sira.

Rekomendasaun

a) Rekomenda ba Ministerio da Edukasaun atu tau eskola EBC paralelu 2 (Suco Mahina 2 no Suco Euquisi) nebe besik labarik sira no fasil hodi asesu.
b) Rekomenda ba Ministerio da Edukasaun atu foti asaun imediata hodi halo konstrusaun foun ho pakoti ba uma eskola 9 (uma eskola 2 iha EBC Leusari, uma eskola 1 iha EBF Aelafa, uma eskola 2 iha EBF Raumoko, uma eskola 1 iha EBF Legidiga, uma eskola 1 iha EBF Huruleu no uma eskola 1 iha EBF Lereado) konstrui no aumenta sala aprendizajen, eskritorio profesores no sala ba profesores iha eskola 10, halo lutu eskola ba eskola 14. Halo rehabilitasaun ba uma eskola 16. Hadia sistema/kanalizasaun be’e no saniamentu iha eskola 14.
c) Rekomenda ba Ministerio da Edukasaun atu desentraliza osan konsensoens no hari’i komisaun gestaun eskola atu kontrola osan konsensoens eskola tamba laiha transparensia iha ezekusaun.
d) Rekomenda ba Ministerio da Educasaun atu desenvolve no sensibiliza mata dalan APP hodi fortifika papel APP iha eskola sira tamba durante ne’e sira lahatene sira nia fungsaun no forma ekipa jestaun escolar nebe kompustu husi membru APP.
e) Husu ba Ministerio da Edukasaun atu tau guarda pesoal iha EBC no Paralelu sira tamba animal no ema sempre livre asesu ba iha ambiente eskola no estraga fasilidades eskola.
f) Husu ba guverno atu muda sistema konstrusaun fazeada ba sistema konstrusaun pakote (uma eskola kompleta ho be’e no saneamentu, eskritorio profesores, aula profesores no lutu eskola).
g) Husu ba Ministerio Educasaun atu forma ekipa avaliasaun independente atu avalia ba ezekusaun orsamentu konseonsoens iha eskola centru EBC Leusari inklui nia filial.

Involvimentu Auditoria Sosial

Imi iha asesu ba kontratu?
Lae

Formatu Involvimentu Komunidade
Suku, Postu Administrativu, Munisipiu

Komprimisiu Guvernu hosi
Postu Administrativu, Munisipiu, Ministeriu

Partisipasaun Jeneru
Mane, Feto

Benefisiariu ba Projeitu: 246